get_header(); ?> تفاصيل مشروع حجز اراضى للمصريين بالخارج
كتب في قسم اخبار مصر اليوم | تاريخ 30 Mar 2012 | الكاتب

تفاصيل مشروع حجز اراضى للمصريين بالخارج


تفاصيل مشروع حجز اراضى للمصريين بالخارج
مشروع جديد باسم مبادرة بين الوطن اطلقها السيد كمال الجنزورى للمصريين بالخارج و الغرض منها حجز اراضى للمصريين بالخارج و قد لاقت هذه المبادرة ترحيب كثير من المصريين بالخارج و لذلك يبحث الكثير منهم عن كيفية الحجز و ايضا اسعار الاراضى و ايضا موقع حجز الاراضى للمصريين بالخارج و سننشر لكم فى هذه الصفحة كل تفاصيل مباردة بين الوطن و سننشر ايضا لكم معلومات عن موقع التسجيل و مساحة و امكان الاراضى المتاحة.

حجز ارضى للمصريين بالخارج


و قد اكد السيد فتحى البرادعى وزير الاسكان و التنمية العمرانية ان المشروع الغرض منه التواصل مع المصريين بالخارج و ايضا توفير العملة الصعبة داخل مصر بشكل افضل و قد قال ايضا انه سيتم توفير 7680  قطعة أرض تحت مسمى مشروع “بيت الوطن” فى عدد من المدن الجديدة، بأسعار تتراوح ما بين 200 إلى 675 دولار وسيتم تحديد سعر قطعة الارض على اساس مكان القطعة و قد اكد ايضا ان هذا المشروع سيساعد فى مشاعدة الاقتصاد المصرى و توفير الموارد فى اشارة الى ان موارد هذا المشروع لن تكون للحكومة الحالية و لكنها للحكومة القادمة.

اما عن تفاصيل مشروع حجز الاراضى للمصريين بالخارج مشروع بيت الوطن حيث يسأل المهتم بالمشروع سؤال هام و هو كيف سيتم سداد سعر الارض , هل سيتم سداد سعر الارض مره واحده ام سيكن على مراحل و لذلك فقد تم الاعلان عن ان السداد سيتم على مرحلتين الاولى سيتم فيها سداد 50% من قيمة سعر الارض و المرحلة الثانية ستكون على عامين وعن موعد بداية حجز الاراضى فقد اعلن وزير الاسكان انه سيتم السماح للمصريين بالخارج بالبدء فى حجز الاراضى من اليوم 24 مارس حتى 25 ابريل 2012 اى ان الحجز مفتوح لمدة شهر.

و من الاسئلة الهامة التى يطرحها المصريين بالخارج هعن اسعار و مساحة الاراضى المتاحة للمصريين بالخارج حيث انه بسبب تنوع رغبة المهتمين بالمشروع لذلك كان يجب توفير اراضى للمصريين بالخارج و لكن فى اماكن مختلفة فى مصر فقد وفرت الوزارة اراضى :

  • مدينة بدر 3585 قطعة بمتوسط يتراوح مابين 350 إلى 400 متر للقطعة وبسعر 255 دولاراً للمتر
  • 116 قطعة ارض فى الشيخ زايد بسعر 675 دولار للمتر.
  • و فى مدينة دمياط الجديدة 438 قطعة بمساحة  من 700 إلى 800 متر بسعر 420 دولار
  • و ايضا فى مدينة المنيا 14 قطعة من 350 إلى 750 متر بسعر 180 دولارا للمتر
  • و فى مدينة المنيا الجديدة 98 قطعة من 350 إلى 700 متر بسعر 200 دولار

و اخيرا للذين يتسائلون عن طريقة الحجز الاراضى الجديدة فقد وفرت وزارة الاسكان موقع خاص موقع حجز اراضى للمصريين بالخارج و الموقع متاح من يوم 24 مارس و يمكنكم من خلاله الاستفسار عن ما تريدو او المشكلات التى تقابلكم فى التسجيل و لكن يجب عليك الانتظار قليلا نظرا للضغط الشديد على الموقع و هذا هو الموقع WWW.NUCA.GOV.EG





Related Posts Plugin for WordPress, Blogger...

التعليقات

  1. السلام عيكم هل يوجد ارض في مدن اخره غير الي ذكر

  2. والله ماشاء الله ربنا ييسر الامر

  3. هل يوجد اراضى فى دمنهور وهل الاستلام فورا وهل يشترط البناء فورا وهل يكون البناء بشروط.

  4. هل يوجد ارض في محافظة قنــــــــــــــــــــا كيف اسجل في الاراضي مش عارف اذاي

  5. هل يوجد اراضي في اماكن اخري والتفاصيل
    المطلوبة ونظام للإقساط والمقدمة

  6. على خليفه

    هل يوجد اراضى باسكندريه وكفرالشيخ

  7. ايه الارف ده انتو بتستعبطوا مين معاه المبالغ دى علشان يدفعها ثم يعنى ايه السعر بالدولار هو ده الدعم ولا بقينا توابع على الملا كده استحوا بقه حرام عليكوا.

  8. عصام الأمير

    الناس اللي بتسأل دي وكانها هتشتري احب اقولو انسي الارض دي مش لينا الارض دي للمستثمرين العرب والناس التقيله اللي احنا منعرفهمش لسه
    اقل قطعه ب 63000 دولار مين بقى فيكم معاه نص المبلغ ده ويقدر يدفع الباقي على سنتين ؟؟؟؟!!!!!

  9. دي اسعار محتاجة هشام طلعت مصطفي ولا علاء ابن المخلوع يشتريها ويبيعها لنا دة اسمة استهبال في بيع الجبال

  10. محمد الشامي

    حسبي الله ونعم الوكيل اقل مساحه 800 متر وهم يقوللوا في 350 مترر كذب ده اولا سعر 500 دولار يعني نار السعر يعني ندبح ام المغتربين بالخارج ونسحب كل فلوسهم ده اذا كان حد عنده فلوس قيمة الارض وقبمة بناها كمان يعني فشخ مغربي طيب اللي خلاهم يعملوها 800 متر خلوها 300 متر وبدل ما يستفيد منها قله يستفيد منها اكبر حجم لا ء ازاي لازم ناس معينه تخصهم الله يلعنهم سما وارض ياخي الله يلعنهم دنيا واخره الله يلعهم الله يلعنهم من قلبي بدعيها عليكي ياجميع ناس مصر بدون استثناء

  11. حلوة بس للفلول والله انتوا عالم ولاد تيت.

  12. م/محمد عرابي

    اشتري ارض فيدمياط الجديدة بمقدم 350000 ج وقسط 20000 في الشهر وهبني عليها بيت يكلفني 1300000 يعني عشان اسكن فيدمياط في بيت ادفع 2000000
    هههههههههههههههههههههة يا ولاد المت…….

  13. لا حرام كده لي حنا بنكسب ملايين حنا ياعني لو 80دورلا المتر ماشي الحال حرام لازم تساعدو الناس.

  14. الطيور المُهجَرة

    طيب دا بالنسبة للمصريين العاملين بالدول الاوربية …والغلابة ببعض دول الخليج مثل السعودية وممعهمش دولارات وراتبهم قليل ونفسهم بسكن …ولا محسوبين من محدودي الدخل ولا هم من المرفهين فين يروحوا …انا لي 5 سنوات اجاهد ولم احصل علي اي سكن ولا شقة ولا ارض وليس لي اي امل.. وحين حاولت التقدم لاحد مزادات هيئة المجتمعات العمرانية الجديدة الموقرة باحد المدن غير مدينتي لانها من المدن التي نادرا ما يتم الاعلان عنها رفض الموظف تسلم الطلب من اخي لاني بالخارج ولاني لست من اهل المدينة المتاحة بالاعلان..واضح انهم بيفكروا بجد في تقسيم مصر لان الذي من الصعيد ممنوع يسمحوا له بامتلاك ارض في وجه بحري

  15. تخريف….انا فى عمان مرتبى كبير الحمد لله بس استحالة ادفع المبالغ دى …. فى حين انى شارى ارض ابنى بيتك المتر بــ 70 جنيه وفى 6 اكتوبر

    شوية ناس بتخرف فعلا

  16. shaban elsharkawey

    السلام عليكم ورحمة الله وبركاته

    بداية : أنا عايز أشوف الوزير دا منين وتخرج من أي مكان

    ومين اللي عينه وزير

    أقسم بالله انه إبن ناس وسخه زي اللي عينه عشان لو فيه واحد مغترب معاه المبالغ دي مش هيقعد في الخارج

    ياطامه ياولاد الطلمه ياكفره ياولاد الكفره الناس عايشه يدوب بتعرف تأكل

  17. Qutp Mostafa Qutp

    بني سويف كم.

  18. هو الغلبان هيتن طول عمره غلبان . هوانتوا مفكرين ان الناس المسافرة فى الخارج كلها معاها ملايين .فيه ناس غلابة ياما بتشتغل فى الخارج بس عشان تفتح بيتها ال فى مصر ال انتوا قفلتوه. فنرجو منكم مساعدتهم وتعملوا حسابها فى قطع اراضى مناسبة مع دخلها . اى بمعنى اصح تعملوا قطع الاراضى فئات حتى تناسب كل الناس .مش ال معاهم ملايين بس .اصلا يعنى ال معاه المبالغ دى مشمحتاج ارض من الدولة ال محتاج هو العمل البسيط وشكرا لوزارة الاسكان .

  19. احمد محمد سليمان

    والاراضي الزراعية فين ومتي توزع

  20. الناس دي سفاحين وحرامية
    وربك بيكشفهم يوم بعد بعد
    ومصر مش هتنظف الا بثورة صح ومحاكمات ثورية تخلصنا منهم كلهم
    العسكرين والقضاة والإعلام وكبار الداخلية

  21. يا ناس ارحمونا انتم مفكرين اللي فى الخارج ملوينرات……………. والله مسؤلين ما يعرفوا شيء لأن ارصدتهم تعدت المليارات………….. حسبنا الله ونعم الوكيل فى مسولين هذه البلد……………….
    ملوكها كانو ياخذو المتر بربع جنية ويبيععوه ب……………………

  22. حسبي الله ونعم الكويت

  23. عبد الفتاح

    اريد شراء قطعة ارض فى الشيخ زايد مساحة 300 متر ارجو معرفة كيف يتم الاختيار ضرورى

  24. سامح حسنى

    على فكره انا مهندس مدنى اعمل بالسعوديه وانا قعدت حوالى ربع ساعه احسب واعيد وازيد فى سعر الاراضى المطروخه لانى مش مصدق هما مفكرين الى قاعدين بره مليونيرات ولا ايه دا بدل ما يساعدونا ويدعمونا منزلين اراضى باسعار تحتاج لمستثمرين حسبنا الله ونعم الوكيل

  25. على فكره انا مهندس مدنى اعمل بالسعوديه وانا قعدت حوالى ربع ساعه احسب واعيد وازيد فى سعر الاراضى المطروخه لانى مش مصدق هما مفكرين الى قاعدين بره مليونيرات ولا ايه دا بدل ما يساعدونا ويدعمونا منزلين اراضى باسعار تحتاج لمستثمرين حسبنا الله ونعم الوكيل.

  26. المستثمر الاجنبى- ياخد الفدان ب جنيه ويدفع خمسين قرش ويقسط الباقى- لكن المصرى المحروق بره يدفع 700دولار فالمتر ويتحرق اكتر باقى عمره فالغربه عشان يبنيها ويسدد ضرايبها

    حسبنا الله ونعم الوكيل

  27. يعني لو كان هشام طلعت مصطفى أو الكلب ابن الكلب أبن المخلوع (جمال الأمبارك) أو أي واحد من حزب الحرامية المنحل كنتم هاتعطوهم المتر بالسعر ده والله حرام عليكم وطالما البلد ماشية بالتفكير ده وبالعقليات دي يبقى كل شئ زي ما هو والثورة ما حققت شئ وكان الله في عون مصر وأهل مصر وحسبنا الله ونعم الوكيل في كل ظالم ومفتري.

  28. اقول اية غير حسبى اللةونعم الوكيل ياظلمة

  29. مصري بن مصري بن مصري

    والله انتوا بتستعبطوا وحرامية واولاد حرامية ،هو احنا شغالين هنا ايه هو احنا حرامية ذيكم ،ربنا ينتقم منكم ، احنا طالع عنينا وبندفع دم قلبنا ضرائب واجازات وندخل للدولة عملة صعبة سنويا
    وفي النهاية عاوزينا نشتري بالدولار … انتم فاكرينا اجانب ولا ايه ، اللي فكر في الموضوع ده عبقري واللي حط السعر حرامي

  30. المطرود من حضنها

    انا سمسار اراضي دولي وبشتغل مع كل الناس المهم .في جماعة يهود عايزين يشيلوا الليلة كلها وهيظبطونا ب500 جنيه عايم في المتر وهما عارفين انكم مستنيين رنة اقول على بركة الله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟اميييييييييييييييييييييييييييييييييييين

  31. يا مليون خسارة…………….
    كنت متصور الحال هايتعدل بعد الثورة والشباب اللى راحو فيها ……
    وكنت متصور ان مصرنا رجعتلنا ………….
    يا مليون خسارة…………….
    هاقول ايه …………………………
    حسبى الله ونعم الوكيل فى كل ظالم وحرامى ياخونه يامنافقين ياكدابين .
    انا عارف هما عاوزينا نوصل لمرحلة اليأس ونقول مفيش فايدة ونقول ياريت اللى جرى ماكان ….
    إنما مش هايحصل أبداااااااااااا …….أقسم بلله مش مايحصل …… لان ده مش كلامى ولا كلام اى حد ده كلام إللى لابيغفل ولا بينام ده كلام ربنا سحانه وتعالى فى اكثر من آية ولله الحمد.
    وربنا قادر على كل شيئ … ونعم بالله .

  32. عايز أعرف أحجز ازاي يعني ياريت ترسلوا لي الموقع

  33. حسبي الله ونعم الوكيل بدل ماتسعدونا عايزين تورطون اليشتري بالاسعار هزه الحرميه حرااااااااااااااااااااااااااااااااام عليكككككككككككككككككككككككم.